• Kusonga Kuelekea Ahueni
• Kuhusu Breaking Through Barriers
• Habari kwa watu walio na unyogovu
• Habari ya Wenza Wasaidizi
  • Kuelewa unyogovu
  • Depression - a widespread and misunderstood illness
  • Je! Unyogovu ni nini?
  • Kutambua Unyogovu
  • Kusaidia kushughulikia unyogovu
  • Rasilimali na Viungo
• Taarifa ya habari
• Ramani ya tovuti

Unyogovu – ugonjwa uliyoenea na uliyoeleweka vibaya

Kuenea

Unyogovu ni wa kawaida sana ulimwengu kote, na unaongezeka:

• Kulingana na Shirika la Afya Duniani (WHO), mnamo mwaka wa 2001, unyogovu ulikuwa namba 4 kati ya magonjwa ambayo yanasababisha ulemavu¹.kabla ya mwaka wa 2020, unyogovu unatarajiwa kuwa namba 2 ^{nd 1}.
• Yamkini watu milioni 121 ulimwenguni kote wanaishi na unyogovu, kulingana na WHO¹.kwa kuongezea, mmoja kati ya familia nne watakuwa na mshirika atakayekuwa na matatizo ya akili wakati fulani².
• Ulimwenguni kote, inakadiriwa kwamba asilimia 5.8 ya wanaume na asilimia 9.5 ya wanawake watakuwa na unyogovu wakati fulani katika maisha yao³.

Sababu

Bado sababu ya unyogovu haujaeleweka vyema na, kwa kweli, wakati mwingine kunaweza kuwa na sababu zinazoweza kuonekana. Wataalamu wanaamini watu wengine walizaliwa na uwezo wa kupata unyogovu kwa urahisi⁴. Pia, wanaamini kwamba matukio ya kufadhaisha, ugonjwa, madawa na mambo mengine yanaweza kusababisha kutokuwa sawa kwa kemikali zingine za ubongo na kusababisha unyogovu⁵.

Watu wengine wanapata unyogovu baada ya mabadiliko makubwa ya maisha – kifo cha mtu unayempenda, talaka, kupoteza kazi au kuhama. Hata matukio ya furaha, kama vile kuwa mzazi au kufunga ndoa, au mabadiliko madogo maishani, wakati mwingine yanaweza kuleta unyogovu. Haijalishi ukubwa au udogo wa mabadiliko maishani, mabadiliko yanaweza kuwa ya kufadhaisha na yanaweza kuathiri pakubwa hisia za mtu.

Baadhi ya mambo ya hatari ya unyogovu ni pamoja na:

• Historia ya unyogovu katika familia.
• Kifo au ugonjwa wa mtu unayempenda.
• Mfadhaiko kazini wa mara kwa mara wa kiakili/kimwili.
• Dhuluma ya kimwili, kingono au kihisia.
• Utumiaji mbaya wa madawa au pombe.
• Magonjwa ya kurithi kama vile ugonjwa wa sukari, kansa, yabisi, ugongwa wa moyo, HIV au maumivu ya kurithi.
• Matukio muhimu ya maisha, kama vile kuhama, kuhitimu kutoka chuo kikuu, kubadilisha kazi, kufunga ndoa, talaka, kuwa mzazi kwa mara ya kwanza, au kustaafu.
• Matatizo ya kifedha.

Unyogovu unaweza kusababishwa na hali zingine za kimatibabu. Magonjwa kama vile kupooza, shtuko la moyo, kansa, ugonjwa wa neva ( kama vile ugonjwa wa kichaa na wa kutetemeka), na mabadiliko ya homoni (kama vile kukatisha hedhi) yanaweza kusababisha unyogovu. Watu walio na hali hizi wanastahili kufahamu haswa dalili za unyogovu na wanapaswa kuzungumza na mtaalamu wao wa huduma ya afya wakihisi mojawapo ya hayo yote.

Unyogovu na kujiua

Kunaweza kuwa na wakati ambao hisia za kutokuwa na matumaini na kupoteza moyo zinaweza kuwasababisha watu walio na unyogovu kufikiria kuhusu kujiua wenyewe. Ukigundua dalili zinazidi kwa mpendwa aliye na unyogovu, kama vile mabadliko yasiyo ya kawaida ya tabia yake, au wasiwasi, fadhaa, mishtuko ya hofu, ugumu wa kulala, kuwashwa, uhasama, uchokozi, mihemko, kutotulia, au kufurahi kupita kiasi na kuhangaika, unapaswa kumhimiza amwone daktari mara moja.

Taarifa ya siri / Masharti ya matumizi / Hakimiliki

Angalia tovuti hii katika:
English | Deutsch | Español | Français | Português
Italiano | العربية | עברית | Pyccкий | Kiswahili | Lietuvių kalba

© Hakimiliki 2006 Eli Lilly and Company, Boehringer Ingelheim and Shirikisho la Dunia la Afya ya Kiakili
Breaking Through Barriers imedhaminiwa na Shirikisho la Afya ya Kiakili na Kampuni ya ,, Eli Lilly na Boehringer Ingelheim. Haki zote zimeifadhiwa.